حوار مع واحد من الوطنيين الجدد

يا فتاح يا عليم يا رزاق يا كريم
أصطبحنا و أصطبح الملك لله
و ادى كمان مغفل
الحكايه بالمختصر ان فيه رساله بتاعت شعر مناهض ل حسحس على جروب  و الرد ده جه من اكسلنس اللى بسميهم الوطنيين الجدد
هم مش جداد اوى
بس فى كل عصر دايما بيهمبكوا بطريقه جديده
و دلوقتى احنا فى عصر الاستنساخ
و ده كان رد الراجل
أكسلنس:

بعد السلام عليكم ورحمة اللة
انا كنت ناوى ما اوجعش دماغى
لكن اعتقد ان الى كتب الشعر دة عندة موهبة من ربنا
ياريت يستغلها  فى شىء ينفعة بدل من اليأس والنظرة السوداء الى بينظر بيها للدنيا
كنت عاوز اقول انى لا اؤمن الا  باللة  ورسولة
لكن اعتقد ان الريس مبارك رمز عظيم
ممكن يكون فية فساد ادارى  وفساد مالى لكن هل الرئيس هو المسئول عنة  خلاص نستنسخ 75 مليون مبارك
 
و ده ردىعليه :
سيدى العزيز
انت بدأت كلامك ب مكنتش عايز اوجع دماغى
و المشكله بقى ان احنا واجعين دماغنا علشان الوجع اللى فى قلوبنا
يا استاذى العزيز
الرمز اللى حضرتك بتتكلم عليه ده هو اللى ادى الفرصه للفساد و هو اللى مرضيش يوجع دماغه بالغلابه
بص يا باشا الغلطان دايما اللى بيدير لأن لو فيه اى غلط حصل هيكون بسبب انه معرفش:
1 – يدير
2 – يراقب
3- ينظم
و طبعا معرفش يختار الناس اللى تعمل كده
و معندوش القدره اللى تخليه يحط قدامه خطه واضحه ل أزاى يدير شغله
انما بقى يصحى الصبح يهجص و يهمبك و يسافر هنا و هنا.
و حتى لو هو مش غلطان بشكل مباشر ف هو غلطان بشكل غير مباشر.
و ربنا يباركلنا فيه
 
احنا مين و هما مين-هما الأمراء و السلاطين-هم المال و الحكم معاهم-و احنا الفقرا المحكومين – حزر فزر شغل مخك شوف مين فينا بيحكم مين(أحمد نجم)
 
 
سلام

Leave a comment

Filed under الأستفزازات اليوميه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s