تعرف فلان … ايوه طبعا … عاشرته …. مممم لأ … يبقى متعرفوش

تعرف فلان … ايوه طبعا … عاشرته …. مممم لأ … يبقى متعرفوش
 عمرى ما أقتنعت ب المثل ده قوى كنت دايما بقول … الواحد يقدر يعرف اى حد كويس قوى من كام موقف أو من الكلام معاه
ايوه مانا مفهم نفسى انى بقى واد صايع و أقدر اعرف اى حد كويس من كام كلمه او من كام موقف
بس ده مستحيل
محدش يقدر يعمل كده و يتعرف على حقيقة الناس غير بالعشره
هتقولى بس ده صحبى او زميلى فى الشغل و اعرفه كويس قوى
و مع بعض فى الشغل ولا فى المدرسه ولا فى الجامعه طول اليوم
و تقول يا عم دانا بشوفه اكتر من اهله فى البيت
بس الحقيقه ان فعلا استحاله تقدر تعرف حد الا لما تعاشره
لازم تكون عشت معاه فتره زمنيه علشان تقدر تعرفه كويس
لان كل واحد فينا ليه كذا وش
مش قصدى ان كل واحد فينا منافق و بوشين Open-mouthed
لا … الفكره كلها ان كل واحد فينا بيتعامل مع اصحابه بشكل .. و مع اهله بشكل تانى .. و مع قرايبه بشكل تالت و هلم جره
و ممكن يجمع اكتر من وش مع اكتر من حد
يعنى ممكن مع اهله و مع قرايبه نفس الوش .. و مع اصحابه بوش تانى
و ممكن مش مع كل صحابه بنفس الوش .. ممكن مع مجموعه بوش و مجموعه تانيه بوش تانى
الخلاصه ..  ان عمرك ما هتقدر تقول انا عرفت فلان غير فعلا لما تعاشره .. و تشوف كل وشوشه
بس المؤلم قوى … لما تقول و بثقه .. انا اعرف فلان … و بعدين تكتشف فجأه انه حد غريب عليك .. و مش قادر تترجم تصرفاته
بس المهم توقع اى حاجه من اى حد
ليييه؟ .. تانى .. علشان انت متعرفش كل الوشوش
 
كل واح فينا بيلعب دايما فى 3 أدوار
الجلاد ……….. المنقذ ……….الضحيه
و انت بقى شويه تبقى كده .. و شويه كده .. و شويه كده
و اضرب بقى العدد ده فى كل وش بتتعامل بيه
هتلاقى كميه لا بأس بها من الوشوش
يعنى مع اهلك ممكن تلبس الضحيه ساعات .. و ساعات المنقذ … و ساعات الجلاد
 
و على رأى صلاح جاهين لما قال … لو كنت عارف مين أنا كنت أقول … و عجبى
 

 

Leave a comment

Filed under كلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s