الناس شايفانى كده …. و انا شايفنى كده …. بس انا فعلا كده

الناس شايفانى كده …. و انا شايفنى كده …. بس انا فعلا كده
ايه الهفلطه دى … اكيد اللى هيقره الكلام ده هيقول الواد ده اتجنن ولا ايه
اى حد فينا ليه 3 ابعاد … و مابين التلات ابعاد دول فيه فيه فجوتين بيأثروا بشكل كبير على طريقة التعامل مع الناس
و كمان على مدى الثقه بالنفس اللى برضه بيأثر على شكل التعامل مع اللى حواليك
وضح يا عم انت … انت هتضيعلى الدماغ اللى انا عاملها ولا ايه
 
الانسان بشكل عام بيكون ليه قيمه و شكل و وزن اجتماعى و ثقافى و ايدلوجى و هيدرولوجى معين …. (حلوين اخر اتنين دول انا مش فاهم معناهم).
الوزن الحقيقيى لينا صعب جدا نعرفه بجد … بس احنا من طريقة تعامل الناس معانا و على حجم المسؤليه اللى بنتحملها بنكون صوره عن نفسنا
بس مش ضرورى تكون الصوره دى صحيحه 100% ممكن تكون اكبر من وزننا الحقيقى … و ممكن تكون اقل
و المسافه بين الصوره اللى انا شايفنى بيها و بين وزنى الحقيقى:
لو: انا شايفنى < انا فعلا …. أذن انا عندى مشكله فى الثقه بالنفس
لو: انا شايفنى > انا فعلا … أذن انا مغرور شويتين
لو: انا شايفنى =(بالتقريب) انا فعلا … أذن انا عندى قدر كبير من المصالحه مع الذات و تقييم المواقف و الامور بشكل معقول
 
طيب دى اول فجوه … ايه حكاية تانى فجوه دى بقى
ماهو بقى تانى فجوه دى اللى مابين الصوره اللى الناس شيفانى بيها …. و وزنى الحقيقى …
و المسافه بقى بين الصورتين … دى تانى فجوه:
لو: الناس شيفانى < انا فعلا … أذن انا عندى مشكلة تواصل
لو: الناس شيفانى > انا فعلا … أذن انا حلانجى حبيتين … أو منافق شويتين مع الناس … أو الناس منافقه شويه معايا
لو: الناس شيفانى = (بالتقريب) انا فعلا …. ده كده بقى يبقى المعادله هتكون مظبوطه الى حد ما
و فى الأخر الفجوتين دول ليهم تأثير كبير على بعض …
و ماتخدوش على كلامى …
و على رأى صلاح جاهين: وقفت بين شطين علي قنطـرة . الكدب فين و الصدق فيـن يا تري. محتار ح اموت . الحوت خرج لي وقالي. هو الكلام يتقاس بالمســـطرة … عجبي !!!
 

 
 

Leave a comment

Filed under كلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s