طب أنا مالي ومال المرور

أنا بقالي كتير مكتبتش حاجة …بس أنا مستفز جدا دلوقتي
جاتلي دلوقتي مكالمة تليفون ضايقتني جدا من واحد صاحبي … الناس النهرده ضيقوه في المرور فـاتصل علشان يشتمني  ويقولي إن أنا مبفهمش حاجة وإن أنا عايش في برج عاجي والبلد دي عمرها ماهتتغير  … آه … بتسألوا بيشتمني ليه …. علشان أنا عملت جريمة كبيرة في حقه وحق نفسي وحق المجتمع
علشان دايما بأقول اللي جي إن شاء الله أحسن … ومصر إن شاء الله هتتحسن بينا … وإن شاء الله بكرة هيكون أفضل
طب هو المفروض إني اسود الدنيا في وشي وفي وش الناس … ولا المفروض إني أحاول اغير اللي اعرف اغيره وأحاول أساعد نفسي واللي حواليه باللي أقدر عليه … ولا المفروض اشجع الناس كلها علشان  تسافر وتسيب البلد … بجد أنا محبط جدا
كل اللي أنا بقولوا إن طول ما احنا بنقول مفيش فايدة عمر ماهيكون فيه فايدة
لازم يكون عندنا الامل في التغيير … ونفتكر دايما إن التغيير بيحصل في لحظة .. و على الرغم من كل السلبيات اللي حوالينا مش عجبانه بس لازم نفتكر إن احنا جزء من سبب المشكلة وبرضه احنا اللي في ادينا الحل
 
ماحدش فينا هايزايد بوطنيته وحبه للبلد على التاني .. أهو كل واحد بيعمل اللي بيقدر عليه .. وعمري ما لمت حد على إنه هيسافر ويسب البلد .. كل واحد حر يعمل اللي هو عايزه .. بس أنا برفض فكرة تسفيه الرأي الآخر … وإن كل واحد فينا مادام مش مقتنع بحاجة ياخد الرأي المعاكس 180 درجة  … والغريب فينا إن احنا بنهاجم المتطرفين فكريا وكل تصرفاتنا بتقول إن احنا متطرفين فكريا
ناخد اقصى اليميييين أو اقصى الشماال … مبنعرفش حتى نكون من الأمة الوسط
 
بجد أنا بزعل جدا لما واحد صاحبي بيسافر … أنا كده مبحبش حد يسب البيت ويمشي .. والله بزعل جدا والموضوع ده بيأثر فيَّ جدا …  .. وده لأني شايف إن البلد بتخسر ناس على كفاءة عليه وأكيد نفسهم يساهموا في التغير
 
على الرغم من كده أنا مش زعلان منه لأني عارف الحالة اللي هو كان فيها … بس يا باشا أنا مليش دعوة بموظف المرور اللي ضايقك ولا بالناس اللي مضايقينك في الجامعة … أنا زيي زيك مش في برج عاجي ولا حاجة
أنا برضه كل يوم بتحشر في المترو … وبعاني من الزبالة اللي في كل حتة … ومش عارف الخضار اللي أنا باكله ده ماسقي بمية حلوة ولا بميت مجاري … بس بحاول إني اكون إيجابي على قد مابعرف …وفي حدود اللي اعرف اعمله … واتصدمت كتير لما سافرت وشفت الفجوة الزمنية اللي بينا وبينهم … بس برضه لما فكرت لقيت إن أكبر مصلحة لينا كلنا إن البلد دي تنضف وتتقدم … وإن شاء الله ده هيحصل.
 
علشان ابني وابنك إن شاء الله ده هيحصل
 
الدنيا من غير ربيع ميتة … ورقة شجر ضعفانه ومفتته …. لأ يا جدع .. غلطان .. تأمل وشوف .. زهر الشتا طالع في عز الشتا … عجبي

11 Comments

Filed under الأستفزازات اليوميه

11 responses to “طب أنا مالي ومال المرور

  1. Emad

    3andak 7a2 ya mnem , elly beye7sal fe masr shabah shewayet feraan et7atto fe makan daya2 awy we akel 2olayel fa ebtado yeklo fe ba3d , el feraan really kowayessa bas el makan sa3b we daya2 , so it makes them behave badlysorry for writing in english but I have no Arabic keyboard

  2. Ty

    ezayekom ya ged3an , all of u in eygpt pleas ehmedo allah ento fe ne3ma kebera .i wish 2 c EGYPT even 1 day its my dream , look 2 the neel n smile u haue many nice thing in there , fokoha baka ya ekhwanna .wlla ayh . salam 3alakom.

  3. Ahmed

    شكرا يا عماد على التعليقأنا متفق معاك جدا يا عماد .. بس المفروض برضه إن احنا فيران بتفهم شوية عن بقت الفيران اللي في البلد .. لما احنا ناكل في بعض ونهين بعد … يبقى مين هيواجه الفيران التانية للاتجاه الصح؟

  4. Ahmed

    Thanks TY for your commentreally we thanking god all the day that we are egyptian, although all what happened and happening we all convinced that someday we will go out from the bottle by hope and working hard towards this hope.

  5. Walid

    متزعلش من اللي مشي وسافر يا أحمد. هييجي الوقت اللي هتلاقي الناس دي رجعت، وساعتها هتشوف قد ايه الناس دي هتغير حال البلديا جدعان ثروة مصر الحقيقية ليست موجودة في مصر! احنا عندنا ملايين عايشين بره مصر أساتذة جامعات وعلماء ودكاترة ومهندسيين وأدباء وعمال ناجحين في حياتهم ومستنيين اللحظة اللي يقدروا يرجعوا فيها. احنا مش محتاجين اكتر من تغيير نشوفه ولو بسيط، احنا مش محتاجين أكتر من أمل.علي فكرة أنا أعتقد ان صاحبك اللي شتمك ده كان عايز يشتم أي حد وخلاص، هو اللي الواحد بيشوفه في المرور ده قليل

  6. Ahmed

    زي ما واحد كلمك مخصوص عشان يشتمك بسبب اللي بتقوله، انا دخلت اكتب تعليق مخصوص بسبب اللي بتقوله برضهبس مع الفارقأحمدانت واحد مخلتف لانك متفائلوسبب عدم تقدم البلد ان مفيش كتير زيك، كله محبط ومن ساعة ما يصحى لغاية ما ينام عمال يبرطم ويشتم في الحكومة وخلاصبس صدقني فيه أملانا الاسبوع اللي فات شفت بنفسي ناس مستنية المكيروباصات في العباسيةولما كتروا قوي وقفوا طابور عشان اللي جاي الاول يركب الأولوده بالنسبة ليا كان من المستحيلات المصريةبس حصلت، الناس اللي في الشارع العاديين بيتغييروافاوعى انت تقع أحمد صلاح

  7. Ahmed

    شكرا يا وليد على تعليقكمعاك حق يا وليد … بس كنت بتمناه إن بلدنا كانت تستفيد من الناس دي أكتر .. ومتكونش النسبة كبيرة كدهوزي ما قلت أنا مش بشجع حد إنه يسب البلد ولا إنه يقعد فيهاكل واحد وظروفه وكل واحد ورؤيته لمستقبله.

  8. Ahmed

    شكرا يا أحمد على تعليقكوالله يا أحمد احنا اتكلمنا قبل كده في الموضوع ده … واللي حصل معاك ومعايا والتغيير اللي حصل في حياتنا بفضل الله ماكانش قليل … هو فيه ناس كتير متفائلة وفيه ناس أحسن مني بكتير وبتكسف من نفسي لما بشوف مجهوداتهم والنتائج اللي بيحققوها … بس المشكلة في النظرة السلبية دي اللي مش هتحقق أي شيء إلا البكا والنواح …

  9. Walid

    حقا يا أحمد أنت طرقت على موضوع مهم للغاية، و هو الإنتماء للبلد و أنا أرى أن كل مصرى يحب بلدة يكون من الصعب علية ان يرى فيها أو من أحد أهلها ما يسوءة، وانا معك تماما فى أن الخسارة كبيرة جدا من سفر أغلب الشباب، ولكن فى نفس الوقت لا أستطيع أن ألوم صاحبك على إحباطة لان للناس درجات إحتمال. و لكنى أرى أن هناك أمل كبير فى تحسن الاوضاع و لابد حتى فى أحلك الظروف أن نرى ذلك الامل

  10. Ahmed

    شكرا يا وليد على تعليقكأنا متفق معاك 100% واشرب العصير

  11. Ty

    merce ya akh ahmad 4 ur answer i wish u n all in egypt the best , u n what i love egypt alot n every thing as much i love palestine , i wish 2 viset egypt n meet ennas esha3beyn eltayebeen wa elfalaheen i wish 2 eat feteer meshaltet ,n i only like 2 watch egypt channels even i have a hundred of other channels but massr livs inside of me , salamna leko kolloko, merce tanee ya abu hmaid

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s