انا و نفسى و العدادات

الموضوع بدأ معايا من صغرى مع عداد الكهربا
ايوه العداد اللى الراجل كل شهر بييجى ياخد القرايه بتاعته
و كنت دايما بسأل هو ليه بيعمل كده
و مين اللى قاله يقرا العداد . .. و ليه …. و القرايه دى بيترتب عليها ايه …
ايه كل الاسأله دى
المهم تلاشت كل التساؤلات لما سألت الحاجه .. هو ليه الراجل ده بييجى يقرا العداد .. و فهمتنى الموضوع بقى
بنستخدم كهربا .. و فيه شركه تبع الدوله يتحصل مننا فلوس على قدر الاستخدام .. و الى اخره
و دى كانت اول معرفه ليا بالعدادات
و فهمت ان لازم يكون فيه عداد فى كل حاجه علشان تقيس حاجه معينه .. مقدار الاستخدام .. مشيت قد ايه .. فاضل بنزين قد ايه … سرعتك كام … الى اخره برضه
بس عمرى ما تخيلت ان الانسان ممكن يحتاج ل عدادات
انا فاكر كويس لما ال CEO فى لينك فى اجتماع سنوى و اتكلم عن اهمية العدادات دى فى البيزنس .. و قد ايه وجودها بيفرق .. علشان تبقى عارف انت رايح فين و جى منين
و بدأت بعدها افكر ازاى انى اسخدم العدادات دى لنفسى
و اول ما حطيت العدادات دى لنفسى اول قرار خدته انى أسيب لينك … علشان لاقيت عداداتى هناك نزلت قوى
المهم
علشان تحط العدادات دى لازم تعرف نفسك كويس
ناس كتير قوى بتستغرب لما اقوله انت لازم تعرف نفسك كويس … يقولك اعرف نفسى ازاى يعنى .. ما انا هو انا … اعرفنى ازاى يعنى … و يقولى .. يا عم انا عارفنى .. انا سامعنى .. انا شايفنى
بس للأسف كتير مننا فعلا هو مش عارف هو مين
و ده اتاكدت منه لما لقيت حاجات انا عملتها .. و مستغرب جدا انى انا عملتها .. ردود فعل غريبه .. تصرفات اغرب .. طبعا انا مش قصدى حاجات وحشه و بس .. حاجات حلوه و حاجات وحشه برضه
ف قررت من ساعتها انى اعرفنى .. ايوه ماهو لازم اعرفنى .. علشان انا لو عرفتنى هتقبلنى … و لو تقبلتنى هقدر اخلى اللى حواليا يتقبلونى .. و لو اللى حواليا تقبلونى عقدر اعبر كويس عن افكارى
طيب هعرفنى ازاى .. اذا كان انا هو انا اصلا .. ايه الجنان ده
فا قررت انى استغرق فترات فى انى اعرف نفسى بأنى اعمل شوية حاجات
الدعاء اولا ان ربنا يهدينى للصواب
اعرف ايه المزايا اللى فيا
و اعرف ايه عيوبى
احط قدامى ايه اهدافى
و ابدأ أحلل تصرفاتى
ابدأ احلل أهدافى و ازاى ممكن اوصلها
اشتغل على عيوبى
و ده زود الثقه فى نفسى اكتر .. علشان انا بقيت عارف نفسى كويس
و عارف امكانيتى و مميزاتى و عيوبى و اكتشفت قد ايه ده زود الثقه بالنفس
و قد ايه بينعكس على شكل تعاملاتك
المهم انك لازم تعرف نفسك قبل ما تطالب الناس انهم يعرفوك
افهم نفسك قبل ما تطالب الناس انهم يفهموك
تقبل نفسك قبل ما تطالب الناس انهم يتقبلوك
و على رأى صلاح جاهين
ياباب يا مقفول امتى الدخول …. صبرت ياما و اللى يصبر ينول … دقيت سنين و الرد يرجعلى مين … لو كنت عارف مين انا كنت أقول … عجبى
لو معرفتش انت مين هتفضل واقف ورا الباب
و هتفضل من غير عدادات Open-mouthed
اعرف نفسك … عرف عداداتك … متنساش نفسك و كل فتره راجع العدادات .. والله الموفق

Leave a comment

Filed under كلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s