ما أعجبش م اللي يطيق بجسمه العذاب … و اعجب من اللي يطيق يعذب أخوه

اعتدت علي السفر الي السويس  من صغري مع امي و ابي،و سر عشقي لهذه المدينة هو ذكريات الطفولة،  و ما اسمعه من صغري عن هذه المدينة و ماحدث بها من بطولات شعبيه أثناء الاحتلال ، و ايضا يعيش في هذه المدينة أفراد من عائلتي، و كان من المفترض ان تكون مكان اقامة عائلتي لولا انتقال ابي للعمل بالقاهره.
ما رأيته في اخر زياره احزنني كثيرا، فلقد طال هذه المدينة ما طال باقي المدن و المحافظات في مصر من اهمال و انتشار القمامه في كل مكان، انقطاع الكهرباء يوميا، انقطاع المياه و ايضا الصرف الصحي الذي يملأ الشوارع. لقد دمرت هذه المدينة أثناء الحرب، و حولتها إلى ركام، احجار و اشلاء مختلطه، و قد كانت نكسه بكل المقاييس ، و ما يحدث الآن هو نكسه لا تقل عن ماحدث
بل أنا اري انها نكسه اشد الما من الاحتلال ، النكسه هذه المره من الداخل ، بل من داخل الداخل.
و لاول مره أحس بهذه الرباعيه للعبقري صلاح جاهين:
انا كل يوم أسمع …….. فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
فعلا معجبش من اللي يطيق بجسمه العذاب ولا حتي من اللي بيعذب حد ميعرفوش و هو مقتنع انه بيعمل الخير العظيم .. بس بستغرب من اللي بيطيق و يستحمل و هو بيعذب اخوه.
علي الرغم من إن سفري للسويس بتكون بالنسبالي رحله ممتعه ، بين ذكريات الطفولة و ذكرياتي مع خالتي رحمها الله ، و افراح السمسميه اللي كنت بقعد ادعي إني ألاقي واحد منهم بالصدفة ، بس المره دي الوضع كان مختلف.
بس الاكيد إن فيه امل ، من غير امل إيه العمل ، من غير امل مفيش عمل:

خليك مناضل.قاوم و ناضل                  لحد اخر لحظة حياة
يا تعيش مناضل و تموت تناضل                 يا إما تفسد بيك الحياة
الدنيا ديه من يوم ميلادك                  كتلة تحدي كتلة حياة
ماتقولش أصلي مش لاقي اسمي                ولا حتي إني فاقد حياة
وصفك لنفسك … حلمك لبكره                  تقدر تعدي الفين حياة

2 Comments

Filed under كلام

2 responses to “ما أعجبش م اللي يطيق بجسمه العذاب … و اعجب من اللي يطيق يعذب أخوه

  1. ده توارد خواطر مدهش … انا كمان كنت كتبت عن السويس فى عيدها 24 اكتوبر :

    http://reeeshkalam.blogspot.com/2010/10/blog-post_28.html

    قوللى رأيك :))

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s