فكره بسيطه للتوعيه السياسيه

يوم الجمعه و الأحد ناس كتير بتكون موجوده في الجوامع و الكنايس علشان يصلوا .. و احنا متعودين و احنا خارجين بيبقي فيه ناس بتوزع ورق للدعايه ، سواء دعايه لمدارس ولا مكوجي ولا مرشح مجلس شعب … ألخ

طب ليه مانستخدمش نفس التكنيك في توزيع منشورات تتضمن بعض التعريفات السياسيه و الإقتصاديه بإسلوب سهل و جذاب بهدف التوعيه؟؟ ، أعتقد إنها هتكون وسيله فعاله نوصل بيها للناس في الشارع بتكلفه بسيطه ، و ممكن نوزع علي الناس في المترو و المواصلات العامه و المنتزهات و القهاوي و كل حته في مصر ، نفسي حد يتبني الفكره دي و نعملها و ننهض بمستوي وعي الشارع المصري بدل ما نسيبه فريسه للي بيفهمه إن العلمانيه كفر و اللبراليه يعني أمك تقلع الحجاب و الإشتراكيه يعني تقعد في شقه الحمام بتاعها شرك و سلفيين يعني آكلين ودان البشر و الإخوان يعني الأخوان رايت.

و بالمناسبه برضوا فيه مبادرة “تويت شارع” بدأت من فتره و هي أول مبادرة تحاول تخترق فقاعة تويتر اللي عايشين فيها و تنزل بالأفكار و التوعيه للشارع ، محتاجين مبادرات كتير زي دي ، محتاجين ثورة توعيه و مبادرات و مشاريع ، محتاجين نسترجع روح يناير و أكتوبر و كل اللحظات اللي الشعب ده انتصر فيها علي الظلام و الظلم و الجهل  ، و هدم أصنام الفساد و الإستبداد ، محتاجين نتفائل و نبشر بعض بالخير ، و علي رأي وائل خليل “التفاؤل فعل ثوري”.

2 Comments

Filed under كلام, توعيه سياسيه, خليك ايجابي, سياسة

2 responses to “فكره بسيطه للتوعيه السياسيه

  1. ش

    فكرة جميلة ، وأحب أطمنك إنها دخلت حيز التنفيذ من كام يوم ، حملة دعم البرادعي عاملينها في شبرا مصر ، بيوزعوا ورق بيعرف الناس العادية معني المصطلحات اللي بيسمعوها ( الليبرالية ، الديمقراطية ) وغيرها بس ببساطة يعني بيقول المعني الأكاديمي ثم يوضح ببساطة
    فكرة جميلة هتوعي الناس وتفهمهم معاني كلام كتير بيسمعوه ومش فاهمينه

  2. aziza haggag

    فكرة جميلة ، وأحب أطمنك إنها دخلت حيز التنفيذ من كام يوم ، حملة دعم البرادعي عاملينها في شبرا مصر ، بيوزعوا ورق بيعرف الناس العادية معني المصطلحات اللي بيسمعوها ( الليبرالية ، الديمقراطية ) وغيرها بس ببساطة يعني بيقول المعني الأكاديمي ثم يوضح ببساطة
    فكرة جميلة هتوعي الناس وتفهمهم معاني كلام كتير بيسمعوه ومش فاهمينه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s