Category Archives: U

آدي يا سيدي موبينيل اللي كنت بدافع عنهم #Egypt @Mobinil

عندي خط موبينيل حصلت مشكله في تجديد باقة الإنترنت عند التجديد .. و المشكله زي ما عرفتها بعد كده انه مكنش فيه رصيد كفايه لتجديد الباقه فا وقِّفُوها من غير ما يبعتولي أي تنبيه إن الباقه مش هتتجدد و إنهم هايحسبوني بالتعريفه العاديه (أول ميجا بـ جنيه و بعد كده الميجا بـ 5 جنيه) .. و طبعا كل ما أشحن أي رصيد يتدمر .. طبعا ماكنتش عارف الحوار ده فا قولت اتصل بـ خدمة العملا .. اتصلت الساعه 6:47 PM  و رد عليه واحد اسمه “سامي كامل” تقريبا .. حاكيتله المشكله و قالي استني اشوف علي السيستم .. و بعدين حكالي القصة بتاعة إن مكنش عندي رصيد كفايه .. قولتله طب كان المفروض السيستم يبعلتي أي تنبيه يحذرني و يقولي كده .. قالي لأ علشان ده سيستم .. أنا كنت منفعل جدا و الولد كمان بدأ ينفعل .. قولتله طب أنا عايز أصعّد الموضوع و أعمل Complaint “شكوي”  قالي ماينفعش .. قولتله يعني إيه ماينفعش أنت مالكش دعوه .. أنت تخليني أبعت شكوتي وبس .. قالي يعني إيه ماليش دعوه أنا بقولك ماينفعش .. قمت قافل السكه في وشه و قولت هسأل أي حد يقولي إزاي أبعت شكوي و حدثت المفاجأة …..

بعد ما قفلت معاه علي طول قعد يتبعتلي سبام رسائل MMS و Push Messages
و موبيلي بقي يخش اوتوماتيك علي الإنترنت  و طبعا عمل كده علشان يخلصلي الرصيد و “يعاقبني”  .. قفلت التليفون مرتين و كل ما افتحه الاقي سيل من السبام و مش عارف حتي أعمل منه أي اتصال. و دلوقتي الساعه 9:53 بحاول أعرف رصيدي بقي كام بيظهرلي رساله بتقولي You are currently susbended. و الساعه 10:42 دقيقه رجعلي تاني السبام.

يعني إيه بني ادم زي ده يكون شغال في شركه كبيره وكمان في خدمة العملا .. و يعني إيه يقولي ماينفعش تبعت شكوي .. و يعني إيه بمنتهي الثقه يبعتلي سبام و هو مش خايف إني اشتكيه .. يعني إيه كنت شغال في لينك دوت نت و أكلم كل صحابي علشان أصعّد الموضوع و معرفش استخدم تليفوني لحد دلوقتي (عدي حوالي 3 ساعات) ..

يعني أنا أكون من الناس اللي ادافع عن موبينيل و اقول بلاش نقاطعها و ماينفعش نوقع شركة مصريه يعملوا فيه أنا كده … أنا حزين جدا والله .. مش حزين علي الكام جنيه اللي ضاعوا مني بسبب الشخص ده … أنا زعلان إن ده يحصل من شركه قعدت ادافع عنهم و اتشتم بسببهم من الناس و اقول معلش أنا بدافع عن شركه مصريه أصحابها مصريين و لازم ماتقعش … بس الظاهر إني كنت غلطان و إن هم نفسهم مش فارق معاهم المصريين اللي بيمصوا دمهم.

و في الآخر الممثل بتاعهم علي تويتر باعتلي بيقولي أكيد ده مش مقصود .. و أكيد برضه اللي حصل ده مش صدفه … و أكيد برضه فيه تفسير للي حصل و ممثل خدمة العملا ده ليه يد في اللي حصل … و تخيلوا إن لحد دلوقتي محدش من موبينيل عايز يقولي أقدم شكوي إزاي … أنا هديهم فرصه 24 ساعه .. لو محستش إني خدت حقي هقدم شكوي في الجهاز القومي لتنظيم الإتصالات 155 .. و الأهم انهم هيخسروا عميل.

______________________________________________________________________________________________

تحديث: 16 نوفمبر 2011

حد من موبينيل كلمنى إمبارح و إعتذرولى و قالولى إنهم عاقبوا الولد و إنهم هيعوضونى عن الرصيد ، أنا قلتلهم أنا دلوقتى عندى مشكلتين كبار و مشكله صغيره ، مشكلة الرصيد و دى المشكله الصغيره ، المشكلتين الكبار أول واحده فيهم إزاى حد فى شركه كبيره زى دى يقرر إنه يبعت سبام لعميل لمجرد إنه شد معاه فى التليفون و يعمل كده بمنتهى الثقه ، و اللى أنا واثق منه إنه أكيد عمل كده أكتر من مره بس المره دى وقع مع الشخص الغلط ، تانى حاجه إزاى موبينيل تقرر إنها تحاسبنى بتعريفه مختلفه من غير ما يبعتولى أى تحذير ، يا راجل ده لما بيبقى رصيدى أقل من جنيه بتبعتوا “من فضلك إشحن رصيدك” ، إيه أم الإزدواجيه دى.

هم قالولى إن بخصوص الولد إتاخد ضده إجراء قاسى و إنه مش هيتعامل مع عملاء تانى أبداَ ، و إنهم هيضمنوا إن اللى حصل مايتكررش مع أى عميل تانى ، بس فشلت إنى أخليهم يقولولى إيه هو الإجراء ده ، بس ده برضه إعتراف ضمنى منهم إن الولد فعلاً هو اللى بعتلى السبام. و قالولى إنهم هيبعتوا الطلب بتاعى علشان يتعمل فى السيستم و يبعت تحذيرات للناس لو هيتحاسبوا بتعريفه مختلفه غير اللى هم متوقعينها ، و قولتلهم أنا هستنى شهر و أشوف ، ولو ماتعملتش ممكن أبدأ فى حمله ضد الشركات التلاته علشان يبقوا أكتر شفافيه مع العملاء و يبطلوا شغل مص الدم.

المهم فى الموضوع ده إن إحنا مانسكتش تانى ، لو أى حد حصل معاه أى حاجه يشارك الناس بيها ، و يعملهم هيصه وزيطه لحد ما ياخد حقه وحق الناس كلها ، أيوه إنت لما بتاخد حقك من شركه غلطت فيك إنت بتاخد حق الناس كلها علشان هم مايكرروش الغلطه دى مع حد تانى.

رساله إلى كل مقدمى الخدمات فى مصر: إمشى عدل يحتار عميلك فيك ….. إحترمونا يرحمكم الله

6 Comments

Filed under U

المصري اليوم: بث مباشر من ميدان التحرير – الجمعة 29 يوليو #Jul29

Leave a comment

Filed under U

يا مجلس يا عسكرى ، لقد هرمنا و ورمنا #NoSCAF

بس يا سيدى و راحت معيطه ، و دخلت على جوزها قالتله لو مجبتليش غسالة أوتوماتيك أنا هزعل و أروح عند بابا .. و مش هجيلك البيت تانى .. راح جوزها قالها حاضر هجيبلك الخلاط .. بس شرطى الوحيد إنك متفتحيش باب التلاجه كتير علشان ده بيسرب الفريون و هنضطر نجيب بتاع التلاجات يشحنلنا الراديو .. بمناسبة الشحن ممكن تحوليلى 5 جنيه علشان كل ما أحاول أتصل بحد  يقولولى “عفواً لقد نفذ رصيدكم”؟؟

لو فهمت حاجه من الكلام اللى فات ده يبقى إنت ذكى و عبقرى و فاهم المجلس بيعمل إيه ، و وحياة أبوك يا شيخ فهمنا .. ده إحنا غلابه .. عندنا أزمة أمن و رز و سولار و عيش و ثقة .. و معندناش رؤية واضحه ولا خطه باينه ولا ناس بتحاول تفهمنا إيه اللى بيحصل.

أنا فاكر كويس لما نزلنا يوم 28 و الناس كانت بتهتف “واحد .. إتنين .. الجيش المصرى فين” ،  كنت بسأل الناس: هو الجيش لو نزل هيبقى فى صف مين؟ .. و كنت بسكت و مهتفش معاهم ، و كان عندى قناعة إن المؤسسه العسكرية داعمة لمبارك  بشكل كبير.

و طبعاً كلنا سمعنا – و فيه ناس شافت – إن الحرس الجمهورى أول ما نزل كان بينقل زخيرة للشرطه ، وكان بيساعدهم على قمع المتظاهرين. و بعد يوم 28 و الفوضى اللى حصلت و هروب الشرطة – زى الست اللى زعلت من جوزها بسبب الغسالة الأوتوماتيك – الجيش نزل الشارع و “حاول” يعيد الأمن ، لكن للأسف محصلش ، فضل الأنفلات الأمنى و الهيصه فى الشارع.

و بعدين حصلت غزوة الجمال و الحمير و الخرفان على المعتصمين فى ميدان التحرير ، و وقوف أفراد الجيش هناك على الحياد ، و حصلت “المهزلة” و جرح من جرح ، و قتل من قتل ، و مفيش حد إتحرك من القوات اللى هناك علشان تمنع المهزلة دى ، و كلنا سألنا و بنسأل … هو إيه اللى حصل؟؟

وعدت الأيام ، و كلام إتقال و كلام متقالش ، لحد ما وصلنا قبل التنحى بيوم ، كنت فى التحرير و سمعة الظابط شومان و هو بيوجه رسائله اللازعه لمبارك و عمر سليمان و المشير ..الخ ، و حسينا كلنا إن فيه حركه جوه الجيش بتأيد الثوره لكن ما باليد حيله ، و طبعاً اللى عايز يرجع لكلام شومان تقدروا تشوفوا الفيديوهات على يوتيوب ، و تسمعوا نقده لبعض القاده العسكريين.

ساعتها أنا سألت واحد صاحبى كان واقف جنبى: إشمعنا  مبارك هيسلم البلد للمجلس العسكرى ، و ليه مش عايز يخلى رئيس المحكمه الدستورية هو اللى يمسك البلد لمرحلة إنتقاليه؟ .. و برضه مالقيتش إجابه.

و بعدين سمعنا اللوا الفنجرى – الله يباركله – و تحيته لشهداء الثورة ، و قلوبنا إتشرحت و إتفتحت للمجلس العسكرى ، و خلصت مرحلة السعاده المفرطه و بدأنا فى مرحلة القلق المفرط. فضل المجلس متمسك بالوزاره اللى حلفت قدام مبارك ، و قعدنا نسأل: هو مش فى ثورة حصلت؟؟ ، طب شفيق قاعد بيعمل إيه؟؟

المهم الموضوع كان ماشى بالزق ، نحس بأى تباطوء ، نقوم عاملين مليونيه ، يتحقق شويه من اللى إحنا عايزينة ، و جه عصام شرف – الله يباركله – و كنا فى منتهى النشوه الثورية ، بس طلع سؤال تانى نفسنا نفهمه: هو إشمعنا وزير “الإنتاج الحربى” فضل فى الوزارة الجديدة؟؟؟؟؟

و بعدين بقى متعدش ، فظ المظاهرات بالقوة ، إعتقالات ، محاكمات عسكرية ، قانون حظر الأعتصامات و الإضرابات ، تباطوء فى إعادة الأمن للشارع ، حل المشاكل بالمجالس العرفية ، سياسة إعلامية زى زمان بالظبط ، مقابلة بثينة كامل مع اللوا عتمان ، الإرهاب الأقتصادى ،  إطفيح و إمبابة ،تباطؤ فى تنفيذ القانون …….. إلخ

و السؤال الكبير دلوقتى: هو إيه اللى بيحصل؟؟

بس يا سيدى ، راح إشترالها الغسالة الأوتوماتيك و الخلاط و باع التلاجه و شحن بكارت بعشره جنيه ، لكن الغريبه إن برضه لسه بيقولوله “عفواً لقد نفذ رصيدكم”.

2 Comments

Filed under U

معضلة كاميليا

هو احنا مش هنخلص من حوار كاميليا ده .. البلد هتولع و فيه تباطؤ و تعنت مش طبيعي من كل الأطراف.

النظام القديم كان بيضحي بـ مصالح الأشخاص علشان – كما كان يدعي – مصلحة المجتمع .. و طبعا كان من ضمن التضحيات تسليم المتحولين للاسلام زي وفاء قسطنطين و كاميليا شحاته للكنيسه .. و اللي مخليني بقول إن كاميليا أسلمت مش شهادات الشيخ اللي وصلها للأزهر .. ولا شهادة الناس اللي في الازهر نفسهم .. لكن كلام احد من القساوسه – مش فاكر اسمه – لما قال انهم دلوقتي “بيغسلوا المغسول” .. حد والنبي يفسرلي الجمله دي .. بالنسبالي دي معناها إنها اقتنعت بعقيدة اخري .. و الكنيسه بتحاول ترجعها عن اللي في دماغها و تغسلها مخها من العقيده دي.

ما علينا .. المهم أنا مش فارق معايا كتير إن حد يسلم أو يتنصر .. ربنا ادا الناس الحريه في الإيمان و الكفر .. يبقي كل واحد حر في عقيدته و ربنا هيحاسبنا كلنا .. احنا مش هنحاسب بعض في الدنيا.

الفكرة بقي إن دلوقتي فيه فصيل في المجتمع – التيار السلفي – شايف القضية دي علي إنها حياة أو موت .. و ده من حقهم .. طالما بيعبروا عن رأيهم بشكل سلمي – و لكن عندي تحفظ من التظاهر قدام الكتدرائيه – و الفصيل ده فاكر إن مشكلته مع الكنيسه .. علي الرغم إن مشكلتهم مع الدولة .. أي نعم مشكلة النظام القديم .. انما مفيش حد غيرهم يقدر يحلها. التظاهر قدام الكنايس و الكاتدرائيات غلط .. و كمان مهاجمة رموز الكنيسه اكبر غلط .. الإسلام معلمناش كده .. و كمان ده عمره ما هيحل المشكله و هيعقدها.

تاني حاجه إن “معظم” الناشطين و المثقفين و رجال الدين “اللي مش سلفيين” بيهاجموا السلفيين بشكل مش طبيعي علشان مهتمين بالقضية دي .. و طبعا رد فعل ده إن السفليين بيهاجموا كل واحد مش مهتم بقضية كاميليا و غيرها .. كل واحد بيطالب التاني بإحترام وجهة نظره .. و في نفس الوقت كل واحد بيهين التاني.
المشكلة التالته بقي و اللي بتقفل الموضوع “بالضبه و المفتاح” هو دور الكنيسة .. الكنيسة بتصر إن دورها “روحي” فقط و ليس لها سلطان علي المسيحيين .. في الوقت اللي كلنا شايفين عكس كده .. فيه تعنت رهيب و غريب .. فيها إيه لو الست طلعت و قالت أنا لسه مسيحية .. أو أنا كنت بفكر أغير ديانتي بس رجعت في كلامي .. أو أي حاجه تانيه تهدي الناس .. و بعدين لو انتوا شايفين إن السلفيين بيفكروا غلط و بيدخلوا نفسهم في اللي ملهمش فيه .. خلوكوا انتم أحسن منهم و عالجوا الموضوع بحكمه مش بتجاهل و تعنت.

أنا شايف إن القضيه دي هتنتهي بكارثة .. أنا مش متشائم .. بس قراءتي للواقع وفقا للمعطيات دي بتقول كده:
– السلفيين شايفين إن هو ده وقته و مش هنأجل طلباتنا.
– المثقفين و المعتدلين مش بيحاولوا يبدوا أي تفهم للسلفيين في القضيه دي و يشرحوا وجهة نظرهم ليه الإنشغال بالقضيه دي دلوقتي ممكن يضر.
– الكنيسه بتتعامل مع الموضوع بشيء من التعنت .. اللي هيودينا كلنا في داهيه – و افتكروا إن ساعة اختفاء كاميليا الأول حصلت مظاهرات في الكاتدرايه علشان كاميليا مخطوفة و لازم ترجع لجوزها!!!
– اخر كلام سمعته ل نجيب جبرائيل و هو محامي كاميليا غير مريح .. و بيقول الناس اللي بتطالب بظهور كاميليا دول “مالهمش صفه” و الموضوع هيتحل “بشكل قانوني” و كأنه بيقول طز في الناس دي كلها و أنا لقيت ثغره في القانون تحل القصة دي .. و اكيد ده هيشعلل الدنيا أكتر مش هيهديها.

الخلاصه .. الموضوع محتاج حل سياسي .. تطبيق القانون بشكل سليم .. وعد بعدم تسليم أي متحول عن دينه للكنيسه أو للمسجد .. خطوات من الكنيسه و الأزهر للإحتواء .. و قبل كل هذا المصارحه .. المصارحه .. المصارحه.

2 Comments

Filed under U

Review: كلمة السر

كلمة السركلمة السر by مصطفى محمود
My rating: 4 of 5 stars

كلمة السر التى تفتح الأبواب .. كلمة السر التى تسعد المشتاق .. كلمة السر التى تخيف الظالم .. كلمة السر التى تريح القلوب.

لكل منا كلمة سر ، من خلالها نستطيع أن نتطلع على أسرارنا و خفايا نفوسنا.

دائماً ما يدهشنى د. مصطفى محمود بعلمه الواسع و رؤيته المستنيره ، يقدم دائماً تحليلاً مستفيضاً ، و رؤيه متكامله ، يغلفها إيمان عميق و قلب عاشق و متعطش للحق و العدل.


أعتقد أن الكلمه التى كتبها “نبيل أباظه” معبره جداً عن روح الكتاب:

الدكتور مصطفى محمود يكشف لنا فى هذا الكتاب عن سر الشقاء و المعاناة التى نتكبدها فى حياتنا .. و عن سبب فساد المجتمع.

فهو يؤكد أننا معاقبون بهذا الضنك فى حياتنا لأننا نسينا الله و غرقنا فى الشهوات الدنيويه ..

ففى سورة طه يقول الله سبحانه و تعالى: “وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى” – سورة طه – الآيه 124.

و يتسائل د. مصطفى محمود .. أليس عالم اليوم قد تلخص كله فى هذه الكلمه البليغة “الضنك” و “الإعراض” ..

أليس العالم قد أعرض تماماً عن كل ما هو ربانى و غرق تماماً فى كل ما هو مادى و دنيوى و شهوانى ..؟!

و الحل الوحيد لأن نعيش سعداء فى الدنيا و الآخرة أن نعود إلى ذكر الله و اتباع تعاليم الأسلام و مبادىء الدين الحنيف.

فاذكر الله عسى أن يجعلك راضياً مرضياً.

نبيل أباظة

View all my reviews

Leave a comment

Filed under U

Review: الاسلام في خندق

الاسلام في خندقالاسلام في خندق by مصطفى محمود

My rating: 5 of 5 stars

كتاب اكثر من رائع .. دائما ما يبهرني د. مصطفي محمود بتحليله العقلاني المنطقي للمؤمن الحق .. طبيعي ان أختلف في “بعض” النقاط الفرعيه .. و لكن في المجمل اتفق معه.

مقدمة الكتاب هي افضل ما يعبر عن محتواه:

الإسلام في خندق ..

الإرهاب يحاصره عن شمال ..

و العلمانيه تضرب فيه من يمين ..

و أطماع الغرب الاستعماري تهدده من الأمام ..

و تخاذل الدول العربية و تفككها يهدده من وراء ..

و الاميه الإسلاميه تضرب عليه خيمة اليأس ..

ما المصير ..؟
و ما المخرج ..؟

هذا موضوع كتابنا.

مصطفي محمود

View all my reviews

Leave a comment

Filed under U

نصائح التويتريون لمن لا يقرأ #YouHaveToRead

اكيد سألت نفسك في يوم لماذا  أقرأ .. أو .. ما فائدة القراءة .. لن أجيب أنا وحيدا علي هذا السؤال .. سيجيب عليه مجموعه من المغردون علي تويتر بمجموعة من الإجابات الممتازه:

  1. @RadwaElShami: #Egypt2020 #YouHavetoRead #Egypt A book is the best thing to get addicted to. In fact, it’s the only healthy and favorable addiction.

  2. @TamerMA: And because knowledge is not a skill RT @prof_mostafa #YouHaveToRead because knowledge is power

  3. @RadwaElShami: #YouHavetoRead “”We’re what we have read & how we read it, & no
    other single activity has the capacity to yield so much educational value.””

  4. @RadwaElShami: #YouHavetoRead So that I cud stop hashtaging here and get back to my job, which is all about reading. Read so that I, too, can read.

  5. @RadwaElShami: #YouHavetoRead A book is the best thing to get addicted to. In fact, it’s the only healthy and favorable addiction.

  6. @RadwaElShami: #YouHavetoRead Enjoy the elation of understanding a new concept, learning a new idea, & exploring a new realm. Enjoy seeing ur brain work!

  7. @RadwaElShami: #YouHavetoRead A book in my bag is a sure safety measure against boredom and loneliness.

  8. @RadwaElShami: #YouHavetoRead عشان المظهر والجوهر، إقرأ.

  9. @RadwaElShami: #YouHavetoRead Buy, borrow, donate a book; support librarians, bookshops & authors. They all worked with u in mind; don’t let them down 🙂

  10. @RadwaElShami: #YouHavetoRead إقرأ وحلق في أحلام وآمال وخبرات ومعارف وأساطير قد سبقها إليك آخرون. إن عجزت أن تترك مثل ما تركوا، فلتكن القراءة شكرك لهم.

  11. @RadwaElShami: #YouHavetoRead Books are a parallel world; a documentation of worlds that are gone; a creation of a world that will never be. Read; Create.

  12. @77EM: #YouHaveToRead here is a link for you, enjoy it http://www.sandmonkey.org/

  13. @RadwaElShami: #YouHavetoRead Find something useful 2 communicate 2 others. Share in the development of yourself & your community. Read & deliver knowledge

  14. @RadwaElShami: #YouHavetoRead إقرأ فما بين ضفتي كتاب، عوالم تفتح لعقلك كل باب. إقرأ لتفهم ما يدور في الأكوان، وتنظر في تراث أبدعه الإنسان.

  15. @a_rabea: Reading is a bless, the more knowledge you gain the more value you have. #YouHaveToRead

  16. @ahmedfahmytw: #YouHaveToRead اقرأ و كن انت المخرج

  17. @RadwaElShami: #YouHavetoRead It saves ur mind 4m rusting; ur knowledge 4m going obsolete; ur time 4m wastin; ur life 4m emptiness. Read & judge 4 urself.

  18. @MaryShehata: #YouHaveToRead We read to know we are not alone-C.S Lewis

  19. @Maha_Taha: Why read? Because it is a very good way to learn how to write #YouHaveToRead

  20. @Daliasallam: #YouHaveToRead أقرأ لكي تعلم وتتعلم

  21. @Daliasallam: #YouHaveToRead القراءة هي السبيل الوحيد للمعرفة، وقراءة ما بين السطور هي للمحترفين، ولنبني مواقف صلبة وسديدة سلاحنا الوحيد: القراءة والتحليل

  22. @hmeguid: Our Mind is our miracle muscle…Exercise it and read…You run faster than others and miracles unlock…To Win #YouHaveToRead

  23. @EnassEmam: #YouHaveToRead اذا اردت ان تتحدث فعليك بالقراءة

  24. @EnassEmam: #YouHaveToRead الكتاب واحة للمرهقين اللاهثين فى معركة الحياة

  25. @melmorsy: في القراءة السلامة وفي الجهل الندامة #YouHaveToRead

  26. @Heba_Emad: #YouHaveToRead للبحث عن الحقيقة و تكوين رأي و رؤيه

  27. @melmorsy: اقرؤوا التاريخ إذ فيه العبر .. قد ضل قوم ليس يدرون ما الخبر #YouHaveToRead

  28. @melmorsy: في الفراءة السلامة وفي الجهل الندامة #YouHaveToRead

  29. @Moonymolnija: #YouhaveToRead stardust by Neil gaiman

  30. @Maha_Taha: I have found that good books are wonderful companions in traveling #YouHaveToRead

  31. @Maha_Taha: Books gives u the joy of understanding and the pleasure of imaging places and fables #YouHaveToRead

  32. @yasminemadkour: #YouhaveToRead check this guys .. LetLs share: #WhoReadsWhat: Bookname u read – Writer – Rate it – #classification

  33. @Maha_Taha: My dad used to take me to the garden and read for me before I was old enough to read #YouHaveToRead

  34. @Maha_Taha: I will always awe it to my dad that he taught me to read #YouHaveToRead

  35. @Maha_Taha: Books take us to magical places and makes ur imagination construct those places in ur mind #YouHaveToRead

  36. @Maha_Taha: A good book is a perfect friend #YouHaveToRead

  37. @AmrAbdelAziz: لازم تقرا عشان لازم تقرا #YouHaveToRead

  38. @RecentSamos: #YouHaveToRead من الذى حرك قطعة الجبن الخاصه بى

  39. @Ma7moudSami: القرأه بتخلى الواحد يدرك نفس الحاجات بشكل مختلف #YouHaveToRead

  40. @melmorsy: اقْرَأْ وَرَبُّكَ الْأَكْرَمُ * الَّذِي عَلَّمَ بِالْقَلَمِ * عَلَّمَ الْإِنسَانَ مَا لَمْ يَعْلَمْ #YouHaveToRead

  41. @zeze1000000: #YouHaveToRead لو عايز تفرح لو عايز تحلم لو عايز تحقق حلمك

  42. @prof_mostafa: #YouHaveToRead because knowledge is power

  43. @AhmedMoneim: #YouHaveToRead لو عايز تتعرف علي ثقافات و أفكار مختلفه .. لو عايز تتعرف علي نفسك

  44. @Ahmed_Omar00: #YouHaveToRead اول كلمه نزلت على الرسول صلى الله عليه وسلم هى كلمة اقرأ

  45. @AhmedMoneim: #YouHaveToRead علشان يحكمك اللي يفكر فيك .. مش اللي يضحك عليك

  46. @Ahmed_Omar00: #YouHaveToRead اعتقد صعب القراءه بمفهومها القديم اعتقد ممكن نعمل حاجه جديده بحيث نتشجع على القرأه
    انا مثلا معتش اقدر استحمل امسك كتاب زى زما

  47. @AhmedMoneim: #YouHaveToRead لو عايز تحس بطعم الحياه

  48. @AhmedMoneim: إيه رأيكم نعمل هاشتاج علشان نشجع الناس علي القراءه؟ #YouHaveToRead

1 Comment

Filed under U